Mō tēnei kaupapa
He wāhanga anō tēnei o te kaupapa o Te Tāhuhu o te Mātauranga, arā, te tirohanga hou i te New Zealand curriculum me te marautanga o Aotearoa.
Ngā whāinga o Te Kaupapa Marautanga o Aotearoa
Anei ngā whāinga o te kaupapa nei:
- te āta whakatau, me te tātari i ngā tutukitanga
- te aro hāngai atu ki te kounga o ngā mahi whakaako
- te whakakaha ake i ngā rangatiratanga o te kura ki ngā marau
- te tautoko i ngā taura here whakawhiti kōrero, i te taha o ngā mātua/whānau me ngā hapori.
Mā tēnei kaupapa e whakahoahoa anō i te New Zealand curriculum me te marautanga o Aotearoa, i te wā e oti ai ngā tohutohu o te Curriculum Stocktake Report to Minister of Education, September 2002.
Ahakoa i kitea e te rīpoata nei he māro te anga o te marautanga o ngā mahi e pā ana ki te whakaako, me te akoako i roto i ngā kura o Aotearoa, he maha tonu ngā tohutohu i whakaritea mō ngā whakahoutanga o te New Zealand Curriculum Framework Te Anga Marautanga o Aotearoa.
Ko ngā tohutohu i whakaritea, e whakapakari noa ana i te anga marau o ngā tauākī marautanga katoa. Ko te whāinga o ngā tohutohu e whakapakari ana i te marautanga ā-motu, hei tautoko ake i ngā kaiako me ngā kura, kia eke ai ngā tutukitanga ki ngā hiahiatanga i whakaritea i roto i ngā tikanga a te marautanga ā‑motu.
I whakataungia e te stocktake, 11 ngā tohutohu, kia pēhea te āhua o te marautanga e tutuki pai ai ngā hiahia a ngā ākonga kē (tirohia tēnei o ngā rāpopototanga o te Curriculum Stocktake Report mō te tirohanga whānuitanga o ngā tohutohu).
Hei rāpopototanga, ngā tohutohu a te stocktake:
- Kua tirohia anōtia ngā wāhanga akoako whai take, ka whakarite, ka whakamārama hoki i ngā tutukitanga.
- Kua āta tirohia anōtia ngā pūkenga whai take, ngā waiaro, me ngā uara e uru pai ai ki roto i ngā wāhanga akoako whai take.
- Ka maha ake ngā huarahi e taea ai e ngā ākonga o ngā tau 7–10, te ako i tētahi reo kē.
- He aronga ki te tautoko ake i ngā kounga o ngā mahi whakaakoako, me te whakapakari ake i te rangatiratanga o te kura ki te marau.
- Kua hoahoatia ngā rauemi kia hāngai ki ngā mātua, ki ngā hapori, kia mohio ai rātau he aha ngā mea akoakohia ana e ngā ākonga, ā, he aha ai.
- I hoahoatia ngā rauemi marautanga nei ki te āwhina i ngā kaiako ki te whakatutuki pai i ngā hiahia a ngā ākonga kē.
- He whānui ake ngā hono ki ngā tutukitanga, ki te ariā whakaakoranga, me ngā aromatawai i roto i ngā rauemi nei, me ngā hōtaka whakahiki pūkenga.