Hauora
Ko wai mā ngā kaituhi?
Cathie Bull, Āwhina Gray, Sharyn Heaton me ngā kaiako e toru nō Tamaki Makaurau, arā, ko Peata, ko Linda, ko Hēmi, Tūteira Pōhatu, Te Kepa Stirling
He aha ngā rerekētanga?
- E whā tonu ngā whenu, pēnei i te marautanga o nāianei
- Kua paku whakarerekēhia ngā ingoa o ngā whenu, arā:
- Te tinana – ko Koiri kē
- Te whānau – ko Tangata kē
- Te taiao – ko Taiao anahe
- Te waiora – ko Waiora anahe
- Kei te marautanga o nāianei, e toru ngā āhuatanga e kōtuitui ana i ngā whenu katoa, arā ko Te wairua, Te hinengaro me Te whaiora – me kī, he aho ēnei āhuatanga. Kei te marautanga hou, e whā ngā aho – ko te Wairua, Tikanga, Te reo, Ngā uara me ngā waiora. Kāore i whakataumatahia ēnei aho.
- Kua tuhia ngā whāinga paetae kia māmā ake ai te whai i te ia o tēnā, o tēnā.
He aha i rerekē ai?
- Kua mau tonu te ngako o tēnā whenu, o tēnā whenu nō te marautanga o nāianei, engari, he rerekē tonu ētehi āhuatanga i ngā whenu nō te marautanga hou. Arā:
- Kua whakawhānui atu i te kaupapa Kai kei te whenu Waiora. Ka whai wāhi te ākonga ki te tūhura i ngā āhuatanga i tua atu i te kai hei oranga mō te tinana anahe. Hei tauira: Ko te kai a te rangatira, he kōrero.
- Kei te whenu Taiao, kua kaha ake te aro ki ngā hononga tāngata me Ranginui rāua ko Papa-tū-ā-nuku ki tā te Māori titiro.
- Kei te whenu Tangata, ka whai wāhi te ākonga ki te toro whānui atu ki ngā momo taura here tāngata i waho atu i te whānau.
Ko te pūtakenga
- Ko te whakatairanga, ko te whakaara ake i te tirohanga Māori mō te hauora.
- Ko te āta wānanga i ngā kōrero i whakahokia ai e ngā kaiako mō te marautanga o nāianei. Waihoki, ko te whakatinana i ngā taunakitanga i puta ai i te whanaketanga o ngā tauaromahi Hauora.
He urupounamu tāu?
- Ki ōu whakaaro, he kaupapa anō me whakauru ki ngā whenu?
- Hei āwhina i a koe ki te whakamahere kaupapa hauora me te whakaako i te Hauora i te akomanga, he aha pea ngā kōrero, ngā mōhiohio me whakauru ki tētehi pukapuka hei rauemi mā te kaiako?