He toi mātauranga, he mana tangata
Mā te whakaaro nui e hanga te whare
Mā te mātauranga e whakaū
Kia maumahara, te taenga mai o te ākonga ki te kura kei a ia anō ōna ake mātauranga i take mai i te whānau. Me whai mana anō ngā tikanga me ngā mātauranga Māori o tēnei wā, o neherā hoki. Nō reira, nō te ao tawhito, nō nāianei te mātauranga. Me whakangāwari e ngā kura kia uru mai te mātauranga o ngā whānau, ngā hapū, ngā iwi, me ngā hapori o ngā ākonga.
Kei te noho te mātauranga ki roto i ngā whakapono, ngā uara me ngā tikanga ahurea. kei ia tikanga tōna ake mana, ōna ake hononga.
E whai ake nei ētahi o ngā āhuatanga tino whakahirahira e pā ana ki te kōwhiringa o ngā mātauranga me ngā pūkenga e hāngai ana ki te ākonga. Kei te tino tautoko ngā mātāpono o te marautanga kia mahi tahi te kura, te whānau, te hapū, te iwi, me te hapori.
Ko ngā wāhanga o ‘He toi mātauranga, he mana tangata’:
- Te ao o te ākonga
- Te ao tawhito, te ao o nāianei, te ao hou:
- Te ao whānui
Download (PDF, 257KB)
