Ngā mātāpono whānui
Ko te tāhū o te Marautanga o Aotearoa, ko te Tiriti o Waitangi. E ahu mai ana i te Tiriti ko ngā mātāpono whānui e whai ake nei hei arataki i te marautanga o ngā kura. He mea hanga ngā mātāpono i runga i te whakapono ko te ākonga te pūtake o ngā mahi ako katoa. Ko ngā mātāpono e whakaaata mai ana, e whakatau ana i te tuakiri o ngā ākonga, o ngā kura reo Māori. Mā ngā mātāpono anō e arataki ngā mahi ako ki ngā kura. Me mātua whakauru ēnei mātāpono ki ngā mahi ako. Mā konei e eke ai te ākonga, te kura me te whānau ki ngā taumata o te mātauranga.
Ko ngā wāhanga o ngā mātāpono whānui:
- Ko te ākonga te pūtake o te ako
- Kia pūmau te ākonga ki a ia anō
- Kia eke te ākonga ki tōna taumata
- Me mahi tahi te kura, te whānau, te hapori, te hapū me te iwi
- Ko te oranga taiao he oranga tangata
Download (PDF, 465KB)
