Ngā uara, ngā waiaro
Kia māhaki mārire tōna mauri
Kia noho mārire tōna mana motuhake
Kia ngākau māhaki ki ōna hoa tae noa ki ngā iwi whānui
I te taha o te mātauranga me ngā pūkenga, he tino wāhi anō tō ngā uara me ngā waiaro o Te Marautanga o Aotearoa. Ko ngā uara, ko ngā whakapono me ngā mātāpono o te whanonga, kua pūmau i roto i te whatumanawa tangata, te rōpū rānei. Ko ngā uara me ngā waiaro, he mea tino ako e te ākonga i roto i ngā wheako o tōna taiao whānui. Mā te mātauranga ā-kura e whakaata ngā uara o te whānau me te kura.
Ko tēnei wāhanga he whakarāpopoto i ētahi o ngā uara me ngā waiaro whakahirahiria kia mau ai i te ākonga e ako ana mā te huarahi o te reo Māori. Kei te tino tautoko ngā mātāpono o te marautanga kia mahi tahi te kura, te whānau, te hapū, te iwi, me te hapori.
Ko ngā wāhanga o ngā uara, ngā waiaro:
- Kia whanake ai ngā uara o te ākonga ake
- Kia mōhio te ākonga ki ngā uara o te ao Māori
- Kia mārama ki nga uara o te ao whānui
Download (PDF, 253KB)
