Pāngarau
Ko wai mā ngā kaituhi?
Ian Christensen, Leeana Herewini, Pania Te Maro, Tony Trinick, Leeanna Shepherd, Robin Mohi
He aha ngā rerekētanga?
- Kua tuhia he kōrero hei whakaatu i te tino matū o te pāngarau.
- Kua whakawhāitia kia toru ngā whenu:
- Te tau me te tāurangi
- Te ine me te āhuahanga
- Te tauanga
- E rua ngā aho e kōtuitui ana i ngā whenu e toru:
- Te Reo Matatini o te Pāngarau – arā, te wāhi nui ki te reo Māori, ngā momo tohu me ngā hoahoa.
- Te Whakamahinga o te Pāngarau – arā, te mārama o te ākonga ki ngā tini whakamahinga o te pāngarau, me ngā pūkenga arohaehae o te ākonga.
- Kua tino tūhono i ngā whāinga paetae i te whenu Te tau me te taurangi ki te mahere tau o Te Poutama Tau.
- Hāunga ngā taumata 6, 7, me te 8, ehara i te whakamāoritanga noa iho o te marautanga pāngarau reo Ingarihi. He āhua ōrite ētahi o ngā whāinga paetae, he rerekē ētahi.
- Kāore i te pērā rawa te maha o ngā whāinga paetae, engari he whānui tonu te mātauranga me ngā pūkenga e whai wāhi mai ana.
- E wātea tonu ana mā te kura e whakatinana ngā whāinga paetae ki ngā horopaki e hāngai ana ki ā rātou ākonga, ngā tikanga o te kura me te wāhi e noho nei te kura.
He aha i rerekē ai?
- Nā te kore o te tohutohu a te Tāhuhu kia whakamāori noa i te marautanga pāngarau reo Ingarihi.
- Nā runga i ngā whakakitenga rangahau me te matatau haere o te hunga whakaako i te pāngarau i roto i te reo Māori.
- Nā runga i te hiahia kia māmā ake te āhua o te tuhituhi i ngā whāinga paetae, ahakoa te maha tonu o ngā kupu pāngarau ake.
- Ko te hiahia kia āta whakaata i ngā whanaketanga o te ako pāngarau i roto i ngā whāinga paetae.