Pūtaiao
Ko wai mā ngā kaituhi?
Catherine Bull rāua ko Georgina Stewart
He aha ngā rerekētanga?
- E whā ngā whenu o te marautanga Pūtaiao.
- Kua korehia te whenu Hangarau.
- Kotahi te whenu kōtuitui, ko Ngā āhuatanga o te pūtaiao. E rima ngā wāhanga o taua whenu:
- Te māramatanga
- Ngā pūkenga
- Ngā uara
- Te whakawhiti whakaaro
- Ngā mahi hapori.
- E toru ngā whenu arotahi, arā ko Te ao tūroa, Ō ahupūngao, me Ō kawekawe.
- E whā ngā wāhanga i roto i Te ao tūroa:
- Te rauropi
- Te taiao
- Papatūānuku
- Ranginui.
Kua whakakotahi ngā whāinga paetae o taumata 1 (Te pū) me te 2 (Te more).
He aha i rerekē ai?
- I korehia te whenu Hangarau i te putanga o te wāhanga ako o te Hangarau.
- I hangaia te whenu Ngā āhuatanga o te pūtaiao ki te whakaatu i ngā āhuatanga matua o ngā mahi pūtaiao katoa.
- I hangaia te whenu Te ao tūroa kia noho ai ngā wāhanga katoa o te taiao i te whenu kotahi, kia kaua e noho wehe te ātea i te whenu Ō ahupūngao.
- I whakakotahi ngā whāinga paetae o taumata 1 (Te pū) me te 2 (Te more) kia hangore atu ngā mahi o te kaiako, kia pai ai te whakaako i ngā whenu katoa.