Te reo Māori
Ko te reo te manawapou o te Māori
Mā te kōrero te reo e ora ai
Mā te ora o te reo
Ka rangatira
Ko te reo te waka kawe i te wairua me te whakaaro Māori, e whakatinanatia ai ngā āhuatanga katoa o te ao Māori. He taonga tuku iho te reo Māori, he taonga e tautokohia ana e te Tiriti o Waitangi. Ko te reo te iho o te ahurea. He reo, he mana, he wairua, he whakapono, he tikanga tō tēnā tangata, tō tēnā iwi, tō tēnā rohe. Mā te reo Māori rawa e whakahua, e kawe, e whakamārama i te huhua noa o ngā tikanga Māori. Mā te mātau o te ākonga ki te reo Māori, ka mārama tōna huarahi ki te ao Māori me tōna mahi hoki i roto i te ao Māori. Ko te rūmaki te tino huarahi hei whakaako i te reo Māori ki ngā ākonga. Ko te reo Māori hoki te reo hei kawe i ngā wāhanga ako katoa, ahakoa pāngarau, pūtaiao, aha atu.
Kei konei e takoto ana ētahi tūmanako reo e mātau ai te ākonga ki te reo Māori me te ao Māori.
Ko ngā wāhanga o te reo Māori:
- Kia eke te ākonga ki tōnā taumata o te reo Māori
- Kia eke te ākonga ki tōna tino taumata o te reo Pākehā
- Kia eke te ākonga ki tōna taumata o te reoruatanga
- Kia eke ki ngā taumata mātauranga mā te huarahi o te reo Māori
Download (PDF, 738KB)
