Te whakahoahoa marautanga ā-kura
Ahakoa ko Te Marautanga o Aotearoa te ara ako ā-motu mō ngā ākonaga katoa, mā ia kura e whakahoahoa, e whakatinana i tāna ake marautanga e hāngai ana ki ngā ākonga me ngā whānau o te kura.
Me mahi tahi te poari whakahaere o te kura, te whānau me ngā kaiako ki te whakatakoto marautanga mō te kura
Tērā pea, ka tīmata mai i te whakahoahoa marautanga ā-kura i ngā:
- āhuatanga o te ākonga ka puta
- mātāpono o te kura, mātāpono o te Aho Matua, o te iwi
- uara, me ngā waiaro o te kura, o te whānau
- āhuatanga o te reo Māori me ōna tikanga
- toi mātauranga
- āhuatanga ako
- momo aromatawai.
Mā tēnā kura, mā tēnā kura e kōwhiri me tīmata mai i whea. Ko ngā kura e whai ana i te Aho Matua, koina te tūāpono mō te whakarite marau. Ko ngā kura ā-iwi ka whai atu i tā rātou ake tūtohinga. He rerekē hoki te whakarite i ia kura i āna hōtaka. Tērā pea, ka whakarite ā-marau, ā-kaupapa, ā-horopaki rānei te hōtaka.
Me āta tiro hoki he aha rawa ngā hononga o te marautanga ā-kura ki ngā rautaki kura, ki ngā kaupapa arataki o te mātauranga e ai ki te Tāhuhu o te Mātauranga o Aotearoa.
Download (PDF, 442KB)
