|
|
 |
|
|
Pangarau i roto i te Marautanga o Aotearoa |
|
|
|
TE MARAUTANGA A TE KAIWHAKAAKO
| Ngā Taumata me ngā
Whāinga Paetae
|
|
|
| E wāru ngā taumata o te whenu Ine, te whenu Taurangi, te whenu Āhuahanga, me te whenu Tauanga, e ono ngā taumata o te whenu Tau. Ko tōna tikanga ka ea i ēnei taumata ngā whakaakoranga pāngarau e tika ana mo ngā reanga atu i te tau tuatahi o te kura tuatahi ki te tau whakamutunga o te kura tuarua. Kei ia taumata ona ano whāinga paetae, tauira horopaki, tauira mahi, tauira aro matawai.
|
|
|
| Ko ta ngā whāinga paetae, he whakaahua i ngā āhuatanga pāngarau e tika ana kia mau i te ākonga i ia taumata. Ka piki haere ngā taumata, ka uaua haere ngā whāinga paetae.
|
|
|
| Otirā, e mōhiotia ana kāore i te orite te
tere o tenei mea, o te ako. Ka tere mau i ētahi ākonga ngā
tikanga pāngarau o tētahi aka, kāore e tere mau i
etahi. I runga anō i tenei āhua, kāore tēnei marautanga
e whakahau ana kia whāia ngā whakaakoranga o tētahi taumata
e ngā ākonga katoa o tētahi reanga, ko te mea nui ke kia
whāia e tēnā, e tēnā a tōna wā. Ehara
hoki i te mea e orite ana te āhei o tētahi tamaiti ki ngā
mahi pāngarau katoa. Tērā pea e uaua ana ki te tamaiti te
tauanga, engari kei te pai noa iho ki a ia te ine. Ki te pēnei, ka
taea e ia ngā taumata māmā o te whenu tauanga me ngā
taumata o runga ake o te whenu ine te whai atu i te wā kotahi.
|
|
strand |
| Kei te kaiwhakaako te tikanga inā piki ake te ākonga,
inā noho tonu ranei ki tētahi taumata; kei te āhua tonu o
ana mahi. A tōna wā ka mau i te ākonga ngā whakaaro,
ngā ariā, ngā pūkenga o tētahi taumata. Ma te kaiwhakaako
ano e kite iho kua eke ki te wā me neke taua ākonga ki te taumata
o tua atu. Ko tā tēnei marautanga, he āwhina, he arataki
noa i te kaiwhakaako kia āhua mōhio ai a ia ko hea te taumata
e tika ana mō te nuinga o ana ākonga, a, e ahu ana ki hea.
|
|
|
|
