|
|
 |
|
|
Pangarau i roto i te Marautanga o Aotearoa |
|
|
|
| Ngā Tauira Horopaki
|
| Ko te tumanako kia tōia mai te mātauranga me ngā
wheako o te whānau, hapū, iwi ki roto i te marautanga pāngarau.
Koia nei te tino wāhi ki ngā horopaki. E ai ki te kōrero,
ka tere mau nga ariā o tētahi rerenga mātauranga ki te whakaakona
aua aria ki nga horopaki e waia atu ana te tamaiti, e pārekareka ana
rānei ki a ia. Nō reira mehemea ka taea, me whakarite rapanga
hei whakaoti mā te ākonga mai tōna anō ao. Ko te painga
hoki o te whakauru mai i ngā horopaki Māori, ka whaimana te titiro
a te Māori o roto i ngā whakaakoranga pāngarau o te ao whānui.
|
| He wāhanga nui anō to te mātauranga pāngarau
i roto i ētahi atu o ngā marau kura. Koinā hoki tētahi
o ngā mahi a ngā tauira horopaki, he whakatakoto hononga e māmā
ake ai te tauwhitiwhiti i waenganui i te marautanga pāngarau me ngā
whakaakoranga o ētahi atu marautanga.
|
| He tauira horopaki noa ēnei hei arahi, hei āwhina
i te kaiwhakaako, otirā he wā pea tona me waiho mā ngā
ākonga anō e kimi mai nga horopaki e whai tikanga ana ki a rātou.
|
|
