| Ngā Tauira Māhi
|
|
|
| Ko tā ngā tauira mahi, he whakatakoto noa i ētahi
huarahi ruarua nei e taea ai ngā whāinga paetae te whakatutuki.
Arā noa atu ētahi atu huarahi, heoi anō tā tēnei,
he whakatauira noa i ngā momo mahi hei whakaaro ake mā te kaiwhakaako.
|
|
|
| Ngā Tauira Aro Mātawai
|
|
|
| Ko te tikanga o tēnei mea, o te aro matawai, he whakamōhio
i te kaiwhakaako kēi te pēhea mai te ākonga i roto i āna
mahi ako. Mā ngā tauira aro matawai e mōhio ai te
kaiwhakaako ki ngā tikanga pāngarau e mārama atu āna
te ākonga. I ngā rā o mua, he whāiti kē te titiro
a ngā mahi aro matawai. Engari e mōhiotia āna inaianei kāore
e tino whaihua te whakamātautau-ā-tuhi noa iho. Me whānui
kē ake te titiro, me aro atu ki ētahi aāhuatanga o te ako
pēnei i te mahi-ā-ringa, i te mahi ngātahi, i ngā mahi
hakinakina, i te noho tahi, i te ako tahi a te tuakana me te teina.
|
|
assessment |
| Me whakarite he aro matawai e whakatenatena āna i te
ākonga kia kōrero, kia tautohetohe, kia whakawhitiwhiti whakaaro.
Mā te ahua o ngā whakautu ki ngā patapatai ngāwari e
mōhio ai te kaiwhakaako kua pakari, kua raru rānei te ākonga.
Engari, me haere ngātahi te aro matawai me tētahi kaupapa, horopaki
rānei e mōhio atu āna te ākonga, kaua e whakaurua mai
he āhuatanga hou hei whakauaua i te āhua o te mahi, mō te
whakauaua noa iho te take.
|
|
|
| Me tuhonohono ngā aro matawai ki te ao o te tamaiti me ngā tikanga Māori i ngā wāhi e tika āna.
|
|
|
| Me pārekareka anō ngā aro matawai, kia hiahia
ai te ākonga ki te whai wāhi atu. Ki te kore a ia e rata ki te
āhua o te mahi, kāore e roa kua mataku, kua hōhā rānei,
ā, ko te mutunga ake kāore e oti pai i a ia te mahi kua whakaritea
hei whakaoti māna.
|
|
|
| Kaua e whakarite whakamātautau mō te whakamātau
noa iho te take. Kaua rānei e whakawhaiti i te aro matawai, kēi
hihipa noa te anga o te aromatawainga i ngā mōhiotanga o te tamaiti
e hiahia āna koe kia whakamatauhia.
|
|
|
| Kaua e whakahe, e whakaiti rānei i te ākonga aronga
kē, penei i te ākonga whakaaro tihoi, whakaaro wāitara
rānei; Kaua rānei e whakahawea i te ākonga kia whakama.
I ngā wāhi ka taea, me whakarite ngā aro matawai he nui ngā
otinga e taea āna, kia kore ai te ākonga e hopohopo ki te whai
wāhi atu anō ki tēnei momo mahi a muri ake nei. Kaua hoki
e whakatuhia ngā aro matawai motuhake mō tēnā, mo tena
ariā pāngarau.
|
|
different perspective; laterial thinker; abstract thinker |
| Mehemea e hiahia āna te kaiwhakaako ki te hari i ngā
aro matawainga ki wāho atu o te taiwhanga mahi, arā, ki mua rānei
i te aroaro o te kura, ki te marae rānei, ki hea atu rānei, kei
te pai noa iho.
|
|
|
| Tērā pea me kōkuhu mai he taputapu, he taonga
rānei ki roto i te aro matawainga hei nanao iho ma te ākonga i
a ia e whakaatu āna i ona mohiotanga ki ngā tikanga pāngarau.
Mā konei anō e tau ai te noho a te ākonga e tirotirohia āna.
|
|
|
| Me whaihua anō te aro matawainga ki te tamaiti. Arā,
me whakarite he mahi e pakari ake, e tika ake anō ai hoki ōna
whakaaro me āna mahi pāngarau.
|
|
|
| He wā anō me wāiho ma te ākonga anō e kimi mai tētahi mahi aro matawai e tika āna mōna.
|
|
|
