| He Tauira Mahi
Nga hōpara tauanga
Anei ētahi tauira mahi e taea ai ngā whāinga paetae o tēnei taumata te whakatutuki:
1. Me mōhio te ākonga ki te whakarite hōpara tauanga e puta ai he matapae ki te āhua o tētahi taupori, pūāhua whakamatau rānei .
2. Me mōhio te ākonga ki te hoahoa, ki te parahau tikanga kowhiri tīpako , kohi raraunga;
- he hoahoa, he whakahaere, he arotake hōpara tauanga e whai wahi mai ana te tīpako tupurangi, nahanaha, whaiti rānei , me te whakamahi anō i ngā tikanga kohi raraunga e hāngai ana; ka tirotiro i ngā manihi;
- he parahau i tana tīpako i kowhiri ai hei whakaahua i tētahi taupori.
3. Me mōhio te ākonga ki te kohi, ki te whakaari raraunga, ki te matapaki i ngā āhuatanga kohure o aua raraunga;
- ·he whakamahi hangarau, pēnei i te papatau, i te pumanawa whakairoiro rorohiko rānei , hei hōpara , hei whakaatu raraunga.
4. Me mōhio te ākonga ki te tatai tauanga tīpako , pēnei i te tau toharite, i te ine mahora, ka whakatuturu ai i runga anō i te whakarite atu ki tētahi tuaritanga raraunga;
- he tatari otinga, me te whakamahi anō i ngā tauanga tīpako
pēnei i te ine mahora, ka whakatakoto ai i āna i kite ai.
5. Me mōhio te ākonga ki te whakatairanga āhuatanga kohure i roto i ngā kauwhata houanga ki ngā panoni taurangi mama;
- me mōhio ki te neke tau toharite kia kitea mai ai ngā āhuatanga tapua o ngā kauwhata tapeke raupapa houanga. Hei whakatauira, ko te whakawehe i tētahi raupapa-houanga ki tētahi atu.
Te whakamāori pūrongo tauanga
Anei ētahi tauira mahi e taea ai ngā whāinga paetae o tēnei taumata te whakatutuki:
6. Me mōhio te ākonga ki te tatari, ki te matapaki whakapae i takea
mai i ngā mahi tauanga e pā ana ki te taupori, ki te whakamātau
rānei ;
- he hōpara kauwhata raraunga tapeke raupapa-houanga, ka tautuhi ai i ngā
taurangi pūmau, me ngā taurangi rangitahi; ka matapaki i te
takenga mai o ngā taurangi rangitahi.
7. Me mōhio te ākonga ki te tautuhi i te takenga mai o ngā ia
mauki, rangitahi rānei i roto i ngā raraunga tapeke raupapa-houanga
i puta mai i ngā matatiki whai tikanga, i ngā whakamātau
rānei ;
- he arotake i ngā tauanga mai i ngā pūrongo papaho, hangarau,
pūtea, ka whakatakoto whakaaro whaitake ki te āhua o aua tauanga.
Te torotoro tūponotanga
Anei ētahi tauira mahi e taea ai ngā whāinga paetae o tēnei taumata te whakatutuki:
8. Me mōhio te ākonga ki te whakatau pūāhua me te whakamahi
anō i te mataono tau, i tētahi atu hanga whakaputa tau tupurangi
rānei , hei tātai tūponotanga hua;
- he hōpara i ngā āhuatanga o te tau tupurangi (tae atu hoki ki ngā tikanga whakaputa tau);
- he whakamahi hoahoa rākau , papatau rānei hei whakatauira pūāhua
kāore i te orite ngā tūponotanga o ngā hua.
9. Me mōhio te ākonga ki te ahukahuka i ngā wāhi
e tika ana kia whakamahia te tuaritanga māori hei tauira pāngarau,
ka whakamahi ai i tēnei tauira hei whakaoti rapanga;
- he hōpara , he whakaoti rapanga taupori ka taea te whakatauira ki te tuari māori .
10. Me mōhio te ākonga ki te huri tuaritanga māori hei tuaritanga māori putahi, ki te whakamahi papatau tūponotanga māori ;
- he whakatau pūāhua e taea ana te whakatauira ki te piu uka, ki te pirori mataono rānei .
He Tauira Aro Matawai
He tauira noa ēnei hei āwhina i te kaiwhakaako:
- He whakahaere i tētahi rangahautanga whaitake, ka whakaatu ai
i ngā otinga Hei whakatauira: Me hōpara e ngā ākonga
te kaha o te hiahiatia o tētahi whare hakinakina nui mō te
taone. Me pātai haere te hunga tumatanui, te hunga kaipakihi, me
ētahi atu e tika ana kia whai wahi mai ki tēnei kaupapa, ka
whakatakoto ai i ngā otinga ki te aroaro o te kaunihera-ā-rohe.
Mā tēnei tauira ka mōhio te kaiwhakaako e pēhea ana
te matatau o ngā ākonga ki te:
Tauanga 7/1
- He kohi raraunga e pā ana ki tētahi pūāhua whai
tikanga ki ta te ākonga titiro, ka whakamahi tātaitai, papatau,
pūmanawa rorohiko hei tatari otinga, hei pangarau tauanga tīpako
, hei tuhi whakairoriro rorohiko rānei , ka whakaatu ai i ngā
otinga ki te whakaahua, ki te kupu.
Mā tēnei tauira ka mōhio te kaiwhakaako e pēhea ana
te matatau o ngā ākonga ki te:
Tauanga 7/4
- He arotake raraunga tapeke raupapa-houanga mai i ngā pūrongo papaho me ngā pūrongo pēnei i te Pukapuka Tau o Aotearoa, ka matapaki i te tapua tauanga o ngā ia ka puta ake. Ka āta whakatakoto whakaaro ki te takenga mai me te panga o ngā taurangitanga me ngā ia i roto i te wā .
Mā tēnei tauira ka mōhio te kaiwhakaako e pēhea ana
te matatau o ngā ākonga ki te:
Tauanga 7/6 WP-5
- He whakatau pūāhua ki te pirori mataono, ki te tutohi tau kapo noa, ki te papatau, ki te aha rānei .
Mā tēnei tauira ka mōhio te kaiwhakaako e pēhea ana
te matatau o ngā ākonga ki te:
Tauanga 7/8 WR-6
- He whakatauira pūāhua mai i tētahi tipakonga raraunga nui, me te torotoro anō i ngā āhuatanga o te tuari māori . Hei whakatauira, te taroa o ngā ākonga o te kura. Na runga anō i te āhua o te tuari māori , he aha te tūponotanga ka nui ake i te 1.7 mita te taroa o te tamaiti? He aha te tūponotanga kei waenganui i tana taroa i te 1mita me te 1.7 mita?
Ma tēnei tauira ka mōhio te kaiwhakaako e pēhea ana te matatau o ngā ākonga ki te:
Tauanga 7/9 Tauanga 7/10
- He whakatauira-a-ringa i tētahi pūāhua tupurangi, ka kimi ai i ngā otinga.
Hei whakatauira, ka hōpara te ākonga i tētahi hikoi tupurangi me te piu anō i te uka, (te pirori rānei i te mataono) hei whakatau ki hea haere ai.
Mā tēnei tauira ka mōhio te kaiwhakaako e pēhea ana
te matatau o ngā ākonga ki te:
Tauanga 7/8
|
|
|
