|
He Tauira Mahi
Ngā hōpara tauanga
Anei ētahi tauira mahi e taea ai ngā whāinga paetae o tēnei taumata te whakatutuki:
1. Me mōhio te ākonga ki te whakamahi i ngā tikanga whakatau pūāhua tūponotanga hei whakaoti rapanga;
- ·he whakamahi whakatau hei whakatauira pūāhua tūturu,
pohewa rānei .
2. Me mōhio te ākonga ki te tautuhi, ki te whakamahi i ngā kupu me ngā ariā matua e pa ana ki te tūponotanga ;
- he torotoro i ngā ariā matua o te tūponotanga (te whakamātauranga,
te hua, te whaitua tipako, te pāpono), ka whakamahi ai i ēnei
hei tatai tūponotanga hiato, tūponotanga whakawhirinaki, papono
motuhake.
3. Me mōhio te ākonga ki te kōwhiri i te momo tuaritanga
e tika ana (te tuaritanga huarua, te tuaritanga a Poisson, te tuaritanga
māori ke rānei ) ki te whakatauira i tētahi pūāhua
kua whakaritea hei tirotiro, ki te tātai i ngā tūponotanga
me ngā uara e whakapaetia ana ka puta, ka whakamahi ai i te tauira
hei whakatakoto matapae;
- he torotoro i ngā taurangi tupurangi motuhake me te whakamahia o ēnei momo taurangi i roto i ngā tauwhainga tūponotanga , i te whiriwhiringa inihua koiora rānei ;
- he kimi mai i te uara me te horahanga tērā ka puta i te
wharite rarangi o tētahi taurangi tupurangi, i ngā tapeke
rānei o ētahi taurangi tupurangi motuhake;
- he matapaki, he whakamātau i ētahi momo tuari tūponotanga
(tā Poisson, te tapeke taurangi haurua te tuari māori); he
torotoro i te hua o te whakamahia o tēnā, o tēnā;
he torotoro i te hononga i waenganui i tena, i tena; he whakamahi i
ngā tutohi whakaatu tūponotanga e pa ana ki ēnei momo
tuari;
- he kimi mai i ngā tuari tūponotanga e pa ana ki ētahi taurangi, ka whakamahi ai i ēnei hei whakaoti rapanga.
4. Me mōhio te ākonga ki te tatai, ki te whakamaori i ngā uara e whakapaetia ana ka puta i ngā pūāhua whai tikanga;
- he torotoro i te whakamahia o ngā tauira tūponotanga i roto i ngā mahi whakatau.
He Tauira Aro Matawai
He tauira noa ēnei he āwhina i te kaiwhakaako:
- He whiriwhiri, he whakatau ko tēhea te momo tuari tika hei whakahangai
atu ki tētahi pūāhua , ka whakamahi ai i tēnei tuari
hei whakaoti rapanga. Hei whakatauira, e mea ana tētahi kaipatu
kirearea e 80% o te wā ka taea e ia ngā kirearea (pānei
i te papata, i te keha rānei ) o tētahi kainga te pana atu.
I tētahi rā ka āta tirohia ana mahi e tētahi kaiwhakawa
kaipatu kirearea. Ko tana i kite ai, o ngā kainga e 120 i toroa
e ia, e 79 noa iho kua kore i muia e te papata, keha rānei . Na
runga i ēnei otinga, ko ta te ākonga he matapaki, he kōwhiri
i te momo tuari e tika ana kia whakahangaitia mai ki tēnei momo
pūāhua , ka parahau ai i tana i whakatau ai.
Mā ēnei tauira ka mōhio te kaiwhakaako e pēhea ana te matatau
o ngā ākonga ki te:
Tauanga 8/9 Tauanga 8/5
- He whakatakoto, he whakamātau i tētahi tauira pāngarau
e whakaahua ana i tētahi rapanga whaitake. Hei whakatauira: e kiia
ana ki te tu ētahi waka e rua mita te tawhiti atu o tētahi
i tētahi , ā, i te huringa o ngā pourama ki te kakariki,
i tukutahi tonu te timatanga o te haere o ngā waka, i orite tonu
te tere o te haere o ngā waka, ā, e tika ana mēnā
ki te whakarautia aua waka ki te 4, koia anō tērā te
nui o ngā waka e hipa ana i ngā pourama ia wā .
Ko ta te ākonga , he hopara i tēnei ahua mā te whai
i ngā tikanga whakatau, a, me tino tae ki te wāhi o ngā
pourama ki reira tātari ai, ā, kia mutu ka tuhi purongo
me te rau atu anō i ngā tapaetanga kōrero .
Mā ēnei tauira ka mōhio te kaiwhakaako e pēhea ana te matatau
o ngā ākonga ki te:
Tauanga 8/7 Tauanga 8/9
He hopara i te whakamahia o ngā pae hapa i roto i tētahi tukanga hanga taonga.
Hei whakatauira: te mahi raranga kete hei hoko atu ki te hunga tāpoi.
Me pēhea te aro matawai i tēnei tukanga kia eke tonu ai
te kounga o ia kete ki ngā taumata e tika ana? (Pēhea nei
te pai o te harakeke e whakamahia ana, pēhea te tae, te nui,
te hangarite, te tauira o te raranga..?)
Mā ēnei tauira ka mōhio te kaiwhakaako e pēhea ana te matatau
o ngā ākonga ki te:
Tauanga 8/1 Tauanga 8/2 Tauanga 8/5 Tauanga 8/7
|
|
|
