He Purapura, He Kohikohinga, Te Tautoko, Te Wharekura, and Toi Te Kupu
Ko te kaupapa matua o He Purapura, o He Kohikohinga, o Te Tautoko, and Te Wharekura, ko Tangaroa.
He Purapura
Ngā Tamariki a Tangaroa nā Tipene Watson
He pukapuka pikitia tēnei. Ko te kaupapa whānui ko te tiaki i ngā tamariki a Tangaroa. Ko te kaupapa tīmatanga he kohikohi kaimoana, engari i huri kē te whakaaro ki te tiaki taiao, arā, ki ngā tamariki a Tangaroa. I kohikohi para hei hangaruatia. He kōrero mō te tiaki i te taiao, me te whai koha ki a Tangaroa.
Tau 1–4. Nama take 16420.
Te Puna Wai o Kauila nā Tamahou Temara
He pukapuka pikitia tēnei hoki. Ko te kaupapa whānui ko Tangaroa. He kōrero tuku iho nō Hawai‘i mō te honu “Kauila”, he kaitiaki ki ngā tamariki, he uri anō nō ngā atua. He mea whakawhānui i ngā whakaaro o te tamariki mō Tangaroa ki ngā kōrero o iwi kē.
Tau 1–4. Nama take 16439.
He Kohikohinga 47
He kohinga kōrero e pā ana ki a Tangaroa:
Kei roto i te rotarota a Matiu Tarawa, a “Tangaroa”, e kitea ana te tino hōhonutanga o te atua nei, a Tangaroa, ki te iwi Māori. Ka kitea i roto i te kōrero paki a Ethel Macpherson, “Whaiata Te Wheke”, i ngā āhuatanga o te hanga o te wheke, tae atu ki tana wāhi noho.
Whai atu ko tā Oho Kaa, “Tutū-puehu”, e whakaatu mai ana i te ao o te whai.
Whai kanohi atu ki te rotarota a Merimeri Penfold, “Ngaru Roa, Ngaru Nui” e whakaahua mai ana i ngā āhuatanga o Tangaroa e ora ai te iwi o Ngāti Kurī.
Ka waiho mā ngā kōrero paki e rua a Hannah Rainforth hei whakakapi i tēnei kohinga kōrero, a “Kanae-iti Rāua ko Kanae-roa”, me “Waikura”.
Tau 3–5. Nama take 11102. Pukapuka mā te pouako, nama take 11124.
Te Tautoko 60
Ko te kaupapa o Te Tautoko 60 ko Tangaroa ki Tai, Tangaroa ki Uta.
Nā Che Wilson e whakamārama ana i te mana o Tangaroa me ngā tikanga tawhito, ngā tikanga hou hoki tō te uru ki roto i te takiwā o Tangaroa o te waitai, o Tangaroa i te wai māori hoki. E tāpirihia ana tētahi rotarota nā Hera Black-Taute i tito mō tēnei kaupapa mō Tangaroa.
Tau 9–11. Nama take 11096. Pukapuka mā te pouako, nama take 11121.
Te Wharekura 81
Ko te kaupapa o Te Wharekura 81 ko Tangaroa. Nā Tamahou Temara e titiro ana ki ngā tirohanga mai i tēnā, i tēnā o ngā iwi o Te Moana-nui-a-Kiwa ki tēnei atua, a Tangaroa. Ka tīmata ngā kōrero i Aotearoa, kātahi ka toro atu ki ngā motu o Kuki Airani, Hāmoa, ka mutu atu i Hawai‘i. Tau 11–13. Nama take 11099. Pukapuka mā te pouako 11127.
Distribution
In term 1, reference copies of He Purapura and He Kohikohinga are being distributed to schools and kura with primary classes and Te Tautoko and Te Wharekura to schools and kura with secondary classes, with extra copies to those schools who have placed standing orders. Standing orders for these series can be established or varied at any time by contacting Learning Media Customer Services.
Toi Te Kupu 82
Anei rā ngā kōrero kei roto i a Toi Te Kupu 82. Ka whai tātou i te haerenga o Francis Kawana (Te Wharekura o Wairarapa) ki rāwāhi. Ka whakanuia ngā toa hākinakina a Farah Palmer rātou ko Reuben Wiki, ko Jordan Vandermade. Ka hoki ngā mahara ki te wā o Te Pakanga Tuarua o te Ao, he aha rā ētahi o ngā mahi ā te hau kāinga i taua wā taumaha? Kei a Taina McGregor ētahi kōrero mō tērā wā. I tērā tau, ka tae atu a Toi Te Kupu ki te hui nui o Te Rōpū Wāhine Māori Toko i te Ora. Nā reira, ka puta he kōrero mai i tērā kaupapa. Pānui mai a Toi Te Kupu!
Tau 7–13. Nama take 11093.
Distribution
In term 1, reference copies of this resource are being sent to schools and kura with secondary classes, with extra copies to those schools who have placed standing orders. Standing orders for Toi Te Kupu can be established or varied at any time by contacting Learning Media Customer Services.