"He muka harakeke
He hitau tangata."
Kei roto i te ingoa o tēnei whenu ngā whakamāramatanga
mō ngā tikanga mata ora. Ka uru katoa mai ngā
mea katoa e ora ana ki roto i tēnei whenu, tae noa mai ki a Papa-tū-ā-nuku.
O ngā whenu katoa, koia nei te whenu tino rahi. Kei
roto i tēnei whenu te nuinga o ngā atua kaitiaki, penei i
a Tāne-mahuta, i a Tangaroa, i a Haumia-tiketike, i a Rongo-mā-tāne,
i a Tū-mata-uenga hoki.
Ki tā te Māori, he mauri tō ngā mea
katoa. Hei maumahara ki te pāmārie mō ngā mea katoa
e kitea ana, e pā atu ana, e kainga ana, e whakamahia ana e tātou.
Ka mau tonu te mauri o ngā mea katoa, ahakoa he aha. Pēnei
i te tepu, i te tūru rānei, i takea mai i ngā tamariki
a Tāne, arā, i ngā rakau. Nā, ko ngā mea o
roto o ŌMataora ko ngā aitanga, arā, a te tangata, a
te tipu, a te kararehe, a te ngārara, me ērā atu. Otirā
ka mau tonu te whakapono kei te ora, kei te tūngāngā
tonu te tipuna nei, te whaea nei a Papa-tū-ā-nuku, na, ka
noho hoki ia i Ō Mataora.
|
