Ō Mataora
Ngā rauemi kua puta
He Pākau – Ngā Manu o Aotearoa
He tautoko tonu ngā kohinga pukapuka, ngā whakaahua me ngā aratohu pouako o tēnei huinga pukapuka a He Pākau – Ngā Manu o Aotearoa, tētahi i tētahi. Ko te whāinga o ngā rauemi nei, he āwhina i a koe ki te whakaako i te pūtaiao i runga anō i ngā pūnaha mātauranga e rua, kia waia ai ngā ākonga ki te mātauranga Pākehā, kia whakatinanatia anō te hiahia o ngā kura kaupapa Māori kia kaha ngā tamariki ki te whāwhā i te taiao i runga i te titiro Māori.
E whā ngā kohinga pukapuka tā tēnei huinga arā, Te Hekenga, Ngā Urutaunga, Te Ripoinga, Te Whānau Hua. Nō ngā rā tata nei i hua ake ai ētahi o ngā whakaaro pūtaiao e mau mai ana ki ngā kōrero mā te ākonga. Kia mōhio ngā tamariki i ōna wā anō ka ara ake he whakaaro hou i te ao pūtaiao, kātahi ka whai mai ko ngā whakamārama hou. Koinei tonu te huarahi e whānui ake ai te mātauranga pūtaiao.
E waru ngā pānui whakaahua e hāpai ana i te huinga pukapuka nei, he tuitui haere i ngā tauira e puta ake i ngā pakiwaitara. E rua ngā panui whakaahua tā ia kohinga pukapuka. Kei ngā pānui whakaahua ngā tauira matua ka kitea i te noho tahi a ngā manu o Aotearoa.
Nā Tōtika Publications Ltd Pouaka Poutāpeta 19171, Te Whanganui-a-Tara tēnei rauemi i whakaputa i te tau 2002, mō Te Tāhuhu o te Mātauranga.
Te nama take o Tōtika Publications Ltd 10432.
- He Pākau – Ngā Manu o Aotearoa, Te Whanganui-a-Tara: Tōtika Publications Ltd.
- Te Ripoinga, Te Whanganui-a-Tara: Tōtika Publications Ltd.
- Ngā Urutaunga, Te Whanganui-a-Tara: Tōtika Publications Ltd.
- Te Hekenga, Te Whanganui-a-Tara: Tōtika Publications Ltd.
- Te Whānau Hua, Te Whanganui-a-Tara: Tōtika Publications Ltd.
Tēnei pukapuka mana pupuri © Te Tāhuhu o te Mātauranga 2002.
Pūmau te mana.
Tūhono
Ngā kōrero mā te pouako
He huinga pukapuka a Tūhono i whakatakotoria hei whakaatu i te wāhi ki te pāngarau, te pūtaiao, me te hangarau i roto i ngā kaupapa kawea ai e ngā ākonga i ia rā. Ka noho mai he kōrero paki, he kōrero pono anō hoki hei tūāpapa, ā, ko te tikanga, mai i reira ka toro haere ngā ākonga mahi takitahi, ā–rōpū, ā–akomanga rānei i te roanga atu o ngā kōrero. Mā ngā ngohe ka pārekareka ki ngā ākonga te pūtaiao, te pāngarau, me te hangarau. Kua hora mai ngā huinga pukapuka a Tūhono hei whāwhātanga mā ngā ākonga kei ngā taumata 1–4 o te marautanga o Aotearoa. He rerekē ngā taumata tā ia pukapuka o Tūhono.
Kei roto i ia pukapuka pouako ngā hononga ki ngā marautanga, ngā taumata mō te pānui, me ngā ngohe mō te kāinga.
I whakaputaina tēnei huinga pukapuka mō Te Tāhuhu o te Mātauranga, e Te Pou Taki Kōrero Whāiti, Pouaka 3293, Te Whanganui–a–Tara, Aotearoa.
Paetukutuku: www.learningmedia.co.nz
- Tūhono Tahi 1999, Ngā Kōrero mā te Pouako, Te nama take o ngā tuhinga mā te pouako 23697.
- Tūhono Rua 1999, Ngā Kōrero mā te Pouako, Te nama take o ngā tuhinga mā te pouako 23699.
- Tūhono Toru 1999, Ngā Kōrero mā te Pouako, Te nama take o ngā tuhinga mā te pouako 23717.
- Tūhono Tahi 2000, Ngā Kōrero mā te Pouako, Te nama take o ngā tuhinga mā te pouako 12580.
- Tūhono Rua 2000, Ngā Kōrero mā te Pouako, Te nama take o ngā tuhinga mā te pouako 12582.
- Tūhono Toru 2000, Ngā Kōrero mā te Pouako, Te nama take o ngā tuhinga mā te pouako 12178.
- Tūhono Tuatahi 2001, Ngā Kōrero mā te Pouako, Te nama take ngā tuhinga mā te pouako 12904.
- Tūhono Tuarua 2001, Ngā Kōrero mā te Pouako, Te nama take ngā tuhinga mā te pouako 12913.
- Tūhono Tuatoru 2001, Ngā Kōrero mā te Pouako, Te nama take o ngā tuhinga mā te pouako 24622.
- Tūhono Tahi 2002, Ngā Kōrero mā te Pouako, Te nama take o ngā tuhinga mā te pouako 26648.
- Tūhono Rua 2002, Ngā Kōrero mā te Pouako, Te nama take o ngā tuhinga mā te pouako 26650.
- Tūhono Tahi 2003, Ngā Kōrero mā te Pouako, Te nama take o ngā tuhinga mā te pouako 27508.
Tēnei huinga pukapuka mana pupuri © Te Tāhuhu o te Mātauranga 1999–2003.
Pūmau te mana.