Ō Mataora
He muka harakeke
He hītau tangata.
Kei roto i te ingoa o tēnei whenu ngā whakamāramatanga mō ngā tikanga mata ora. Ka uru katoa mai ngā mea katoa e ora ana ki roto i tēnei whenu, tae noa mai ki a Papatūānuku.
O ngā whenu katoa, koia nei te whenu tino rahi. Kei roto i tēnei whenu te nuinga o ngā atua kaitiaki, pēnei i a Tāne Mahuta, i a Tangaroa, i a Haumiatiketike, i a Rongomātāne, i a Tūmatauenga hoki.
Ki tā te Māori, he mauri tō ngā mea katoa. Hei maumahara ki te pāmārie mō ngā mea katoa e kitea ana, e pā atu ana, e kainga ana, e whakamahia ana e tātou. Ka mau tonu te mauri o ngā mea katoa, ahakoa he aha. Pēnei i te tēpu, i te tūru rānei, i takea mai i ngā tamariki a Tāne, arā, i ngā rākau. Nā, ko ngā mea o roto o Ō Mataora ko ngā aitanga, arā, a te tangata, a te tipu, a te kararehe, a te ngārara, me ērā atu. Otirā ka mau tonu te whakapono kei te ora, kei te tūngāngā tonu te tipuna nei, te whaea nei a Papatūānuku, nā, ka noho hoki ia i Ō Mataora.
- Kohinga rawa whakaako
Ko ngā mahinga, ngā tikanga ārahi, me ngā akoranga e pā ana ki Ō Mataora ka taea i konei. - Ngā rauemi kua puta
Kei konei ngā rauemi e wātea ana, ā, e tautoko ana i Ō Mataora i roto i te marautanga o pūtaiao. Kei roto ngā rauemi hei tā mai. - Hononga
Kei konei ngā hononga e wātea ana, ā, e tautoko ana i Ō Mataora i roto i te marautanga o pūtaiao.