Ngā Whāinga
o Te Mātauranga Hangarau
He waka eke noa |
| E tohu ana ngā ākoranga hangarau, ka maia ake te
tangata ki te whakamahi i ngā huarahi maha e tutuki ai ngā hiahia
me ngā huarahi wātea ana ki a ia, tae atu ki te hiraurau
i ngā hopanga o roto i te hapori. E arotahi ana tēnei ki te taha
whakatinana i te whakaaro me te mōhiotanga ake tae atu ki te kohi mōhiohio
mai i ngā matatiki kanorau. |
needs and opportunities
diverse sources |
| E hoparahia ana e te mātauranga hangarau te kōwhiringa
me ngā āhuatanga e awe ana i te kōwhiringa, pērā
i te ahurea me te hapori, ngā utu me ngā whiwhinga,
te taha rerehua, me te taha whai i te ora.
|
culture and society; costs and benefits; aesthetics; fitness for purpose |
| Ko te whāinga a te mātauranga hangarau, ko te whakamana
ake i ngā ākonga kia matatau rātou ki te hangarau, mā
te whakahiato i: |
|
- te māramatanga me te mātai ki te patanga i waenganui i te
hangarau me te hapori;
- te mōhiotanga, te māramatanga me ngā pūmanawa
hangarau.
|
technological capability |
| Mā te mātauranga hangarau e whai wāhi atu
ai ngā ākonga ki: |
|
- te tūhura, te whakamahi me te noho mārama ki ngā
hua, ngā pūnaha me ngā taiao hangarau kua whakahiatohia
i roto i ō rātou hapori;
|
technological products, systems and environments |
- te whakahiato mōhiotanga ki ngā mātāpono me
ngā hatepe o te hangarau;
|
principles and processes |
- te tautuhi me te hōpara i ngā hiahia me ngā huarahi
wātea ka taea te whakatutuki mā ngā mahi hangarau;
|
needs and opportunities |
- te auaha me te arotakenga i ngā whakaaro hei whakapai ake, hei
whakarerekē ake rānei i te hangarau e pā ana ki ngā
hiahia me ngā huarahi wātea kua tautuhitia;
|
|
- te kōwhiri me te whakamahi i ngā rawa, i ngā
taputapu me nga utauta i runga i te totika me te noho
haumaru;
|
materials; tool; equipment |
- te āta noho ki te whakarongo me te mātakitaki i ngā
tohunga ki ngā momo mahi;
- te waihanga i ā rātou ake whakamāramatanga hangarau;
- te mahi ki ngā whakaritenga kua whakaaetia me ngā taumata
kounga;
- te mōhio ki te haere kōtui o te hangarau me te haporiināianei,
i mua me ā muri ake nei;
- te rongo i tō rātou kaha ki te whai wāhi atu ki tētahi
hapori hangarau.
|
|
