| E taea noa atu ana ngā wheako te whakahaere i roto i
ngā horopaki maha, ā, mā te kaupapa tonu e whakatau.
I te hoahoanga o tētahi kaupapa hangarau, e wātea noa atu ana
kia whakamahia ake e ngā kaiako ngā wheako ako kua whakaritea
hei timatanga ake. Ko te hōtaka taurite e tika ana kia uru katoa
atu ngā wheako ako mai i ngā whenu e rua.
Ka taea te whakamahi ngātahi ngā tauira wheako o tēnei
pukapuka me ērā o ngā tauākī marautanga i tuhia
ki te reo Pākehā. He nui tonu ngā wāhi e haere kōtui
ana tēnei me tērā o ngā pukapuka, ā, ko te whakaaro,
mā te whakamahi i ngā rauemi e rua ka whānui ake ngā
wheako e wātea ana ki ngā ākonga Māori.
Kua whakaritea ngā tauira wheako me ngā tauira aromatawai i
raro i ngā kaupapa e iwa e whai ake nei:
1 Ngā Waka Māori
2 Te Mahi Kai, tae atu ki te Rokiroki me te Tohu Kai
3 Te Mahi Ika
4 Ngā Kākahu
5 Ngā Takawairore, ngā Tākaro me ētahi atu Runaruna
6 Ngā Whare Māori
7 Ngā Kai o te Ngahere
8 Ngā Whakapaipai me ngā Whakarākei i te Tangata
9 Ngā Toi Māori
Kei te rārangi nei ngā tauira mō ngā kaupapa ka taea
te titiro, ā, ehara i te whānui rawa. Ahakoa kei roto i ngā
kaupapa ngā tauira wheako me ngā tauira aromatawai mō ngā
taumata mai i te 1 ki te 6, ehara i te mea me tino whai ngā ākonga
i tētahi o ngā kaupapa puta noa i ngā taumata.
Ko ētahi atu kaupapa:
10 Rongoā
11 Te Whakamaoa Kai
12 Te Pā Māori
13 Ngā Taonga Pāoro
14 Tūmatauenga
15 Ranginui
16 Papatuanuku |
