| E uru noa atu ana ki ngā kaupeka hangarau mā
te whakahaere i ngā mahi hangarau i roto i ngā momo horopaki katoa.
He whānui ngā horopaki e whai ake nei, ā, kei roto hoki
i te ao Māori e tau ana. Ko te tikanga, ka taea ngā mahi hangarau
katoa te whakahaere i roto anō i ēnei horopaki whānui.
Hei tauira ake, ko ngā mahi e pā ana ki te tao kai me te whakanao
kai, tērā pea ka taea te whakahaere i roto katoa i ngā
horopaki kua whakararangitia ake, ā, kei te āhua tonu o te kaupapa
o te hui. Ko ngā mahi hangarau e pā ana ki te whangai i te whānau
ia rā, ka rerekē atu ki ngā mahi hangarau e pā ana
ki te whāngai i ngā tangata kotahi rau i ngā nohonga e
iwa o te tangihanga, ā, ka rerekē anō i tētahi whakatuwheratanga
marae kua whakatakotohia noa atu te mahere.
Anei e whai ake nei ngā horopaki:
Te
Whānau
E pā ana tēnei horopaki ki te tangata me ōna hononga ki
ērā atu o tana whānau, tae atu ki ngā mahi me ngā
tikanga ā-iwi e whaia ana e ia, me ngā wāhi e mahia ana
aua mahi.
Te Kāinga
E pā ana tēnei horopaki ki te whānau, ngā mahi me
ngā tikanga ā-iwi e whaia ana e rātou, me ō rātou
hononga ki ētahi atu whānau e whai pānga ana ki te wāhi
e noho ana rātou.
Te Marae
E pā ana tēnei horopaki ki ngā tangata e whai wāhi
atu ana ki te marae, ō rātou pānga ki a rātou anō,
ngā mahi me ngā tikanga ā-iwi e whaia ana e rātou,
ngā whare me ngā whenua o te marae, tae atu ki ngā hātepe
pāpori me ngā hātepe tikanga ā-iwi e whaia ana i te
marae.
Te Hapū
E pā ana tēnei horopaki ki ngā tangata, ngā hononga
i waenganui i a rātou, ō rātou whare me ō rātou
whenua, ā rātou mahi me ā rātou tikanga ā-iwi,
tae atu ki ngā hātepe me ngā momo whakahaere a ētahi
marae maha tonu e tuhonoa ana i roto i ngā whakapapa.
Te Iwi
E pā ana tēnei horopaki ki ngā tangata, ngā hononga
i waenganui i a rātou anō, ō rātou whare me ō
rātou whenua, ā rātou mahi me ā rātou tikanga
ā-iwi, tae atu ki ngā hātepe me ngā momo whakahaere
a ētahi hapu e tuhonoa ana i roto i ngā whakapapa.
Te Ao Tūroa
E pā ana tēnei horopaki ki ngā huinga tangata maha tonu
e kīia ana ko te taupori o Aotearoa, ki ngā mahi, ngā hātepe,
ngā tikanga me ngā momo whakahaere e whāia ana e rātou,
tae atu ki ō rātou taiao. E pā ana tēnei horopaki
ki te toputanga o ngā tangata, huri i te ao, me ō rātou
taiao, tae atu ki ngā mahi, ngā hātepe, ngā tikanga
me ngā whakahaere e whaia ana e rātou.
|
|
technological area |
