| Ko te tino take o ngā wheako whakaari, ko te whakaatu
i ngā kaupeka tērā pea e whakawhiwhia ai ngā ākonga
ki ētahi mōhiotanga me ētahi māramatanga ki te hangarau
a o tātou tūpuna, tae atu ki ngā whakapono me ngā uara
i whakahiatotia ake i taua hangarau.
Mai i tēnei tuapapa ka taea e ngā ākonga te hōpara
me te tūhura i te hangarau o ēnei rā, me te titiro atu
i runga i te whakaaro pēnei na: "titiro ki ngā rā
o mua hei tohu arā ki ngā rā a muri ake nei".
Hei tauira ake, i roto i ngā kaupeka hangarau o te hangarau koiora,
te hangarau matū me te horopaki o te rongoā, e whai ake nei
tētahi wheako whakaari: "Ko te mea pai ki a koe mō ō
rā whakata mai i te kura, he noho tahi ki tō tupuna whaea, me
tō kite ake kāore kē ia e haereere ana ki te toa rongoā
mō te rongoā, ahakoa kua rongo koe i to whaea e kohete ana mō
tana mate kaiponapona."
|
|
arthritis |
| Ko te tikanga, ka mārama ngā ākonga ki ngā
mōhiotanga, ngā whakapono me ngā uara e pā ana ki te
rongoā, tae atu ki te taha hangarau e haere tahi ana ki te rongoā.
Tērā pea ka tirohia e ngā ākonga ētahi huarahi
e taea ai ēnei hātepe te whakapai ake, tērā rānei
ka whakaaro rātou i muri mai o te aromataitanga, kāore he patanga
o te whakapai ake i ngā hātepe. |
|
|
