|
 |
|
|
Hangarau i roto i Te Marautanga o Aotearoa |
|
|
|
|
Te Whakatinana i te Marautanga Hangarau
Ka uru atu ki roto ki te hangarau te mōhio me te whakahaere mahi.
Me titiro ngā tikanga akoranga me ngā tikanga whakaako ki ngā
wāhanga nei. Me whakahaere he āhuatanga hangore, he āhuatanga
mahi tahi mō ngā mahi whakaako i te akomanga, e aro atu ana
ki ngā tirohanga, ngā painga, ngā wawata me ngā āhuatanga
akoranga mō te katoa o ngā ākonga. Mā te mahi i ngā
mahi whai take, mahi whānui e whakarei ngā pūmanawa hangarau
o ngā ākonga. Mā te āta whakatakoto kaupapa me te
whakahaere whiriwhiri i waenganui i ngā ākonga me ngā kaiwhakaako
e whakatu tētahi mahi hangarau e tika ana.
He mea tātai ngā whāinga paetae kei te tauākī
marautanga hei arataki i ngā whakahaere mō te hōtaka akoranga,
hōtaka whakaako, ā, kāore e kitea te roanga o te wā
hei mahi i ia whāinga i roto nei. Ehara i te mea mā te mahi
anake i tētahi tino mahi, tētahi wehenga akoranga rānei
e tutuki ai ngā whāinga a ngā
ākonga, engari me tātai ētahi mahi hangarau whānui
hei hoa kia taea ai te whakatutuki me te arotake ētahi tino whāinga
paetae. Tērā me mahi rawa te ākonga i ngā taumata
akoranga 1 ki 5 mō ētahi tau e rua, me te kotahi tau i te taumata
6, 7, me 8, i mua i tana whiwhitanga i ngā whāinga paetae.
|
|
|
| Me whai ia kura kia whakatakotoria tētahi hātepe
whakatinana e whakau ana, e whakawhānui ana i ngā mahi e mahia
ana e ia i ēnei rā. Me whai anō te hātepe nei kia wātea
ki ngā ākonga ētahi mātauranga hangarau tonu. E tino
tika ana kia noho mai te hangarau hei wāhanga nui tonu, hei wāhanga
whaitake tonu o ngā mea e whakaakona ana i te kura, tēnā
i te waiho kia noho marara noa mai i roto i te marautanga whānui a
te kura.
Anei ētahi kōwhiringa ka taea:
|
|
implementation process |
- ko te whai kia noho mai ki te rātaka o te kura tētahi
kaupapa ako e kiia nei ko te hangarau, ā, ka whakahaeretia ēnei
akoranga e tētahi kaiako kei a ia ngā mātauranga me ngā
pūmanawa hangarau. Tērā pea ka ahu mai ēnei kaiako
i ngā rerenga mātauranga maha tonu;
- ko te whakatakoto i tētahi huarahi e āta kokuhua atu ai
ētahi wāhanga ako hangarau, ētahi kōwae ako hangarau
rānei, ki roto i te marautanga whānui a te kura, a, kia pūnahanaha,
kia kōtui te āhua o te whakatutuki haere i tēnei. Ka
ahu mai pea ngā kaiako i ngā rerenga mātauranga maha
tonu;
- ka taea te tūhono ēnei kōwhiringa e rua;
- ko te hiki i te rātaka mō tētahi wā, kia pai ai
te arotahi i ngā mahi hangarau. Tērā pea ka pēnei
te mahi mō ngā ākonga o tētahi tau, mō ngā
ākonga katoa rānei o te kura.
I ēnei kōwhiringa katoa, me āta whiriwhiri te kura i ngā
huarahi me ngā horopaki e hangai ana ki ana ākonga me te hapori,
ka whakatakoto ai i ngā akoranga e tika ana.
Arā ētahi āhuatanga ka riro mā te kura tonu e whiriwhiri,
e whakatau i roto i ngā mahi whakatutuki i te marautanga hangarau.
Me whakamahi ngā kaiako i ngā rauemi me ērā atu tūmomo
mea e wātea ana ki a rātou, kia pai ai tā rātou whakatakoto
kaupapa hangarau e whakaata ana i te āhua o tō rātou kura.
|
|
timetable |
| Ka mahi ngā ākonga mō tētahi
wā (kotahi tau, e rua tau rānei) kia whiwhi rātau ki
ngā whāinga paetae mā te mahi i ngā mahi rereke
me te whakamahi i nga wahi rereke, a, i nga wahanga hangarau rerekē
hoki.
Hei whakatutuki i tētahi āhua tika ki ngā take hangarau
i tēnei wā, me whiwhi ngā ākonga ki ngā
mōhiotanga whānui ki ngā wāhanga hangarau. Hei
tauira:
Tau 1 ki 3 mō ngā wāhanga e whā mō te
hangarau
Tau 4 ki 6 mō ngā wāhanga e rima mō te hangarau
Tau 7 me 8 mō ngā wāhanga e ono mō te hangarau
Tau 9 ki 10 mō ngā wāhanga e ono mō te hangarau
Mō ngā akomanga taumata-rau:
Tau 1 ki 6 ngā wāhanga hangarau e iwa; ko tēnei
rānei
Tau 4 ki 8 ngā wāhanga hangarau tekau mā tahi.
|
|
|
