Te Aromatawai me te Arotakenga i roto i te Hangarau
Ko te whāinga mātāmua o te aromatawai ā-kura, kia
pai ake te āhua o te ako o ngā ākonga, kia pai ake anō
hoki ko ngā akoranga tonu.
Ko ngā tauira aromatawai e piri tahi ana ki ngā tauira wheako
o tēnei tuhinga, e tohu ana i te tino hononga i waenganui i te ako,
te whakaako me te aromatawai. I roto i ngā akoranga hangarau, ka
wātea ngā kaiako me ngā ākonga ki te whai wāhi
atu ki ngā wheako ako me ngā wheako aromatawai maha tonu; ko
ērā e whakaaturia ana i konei, he tauira noa ihoara, ehara i
te mea me matua whakamahi ko ēnei tauira, ehara rānei i te mea
koinei anake ngā mea ka taea.
I roto i ngā mahi hangarau, me noho mai te aromatawai hei wāhanga
tuturu o te mahi, ā, me pūnahanaha te āhua o te whakarite
aromatawai. Me āta titiro ano ki te āhua o tā te ākonga
whakatutuki haere i ngā aromatawai, kia kitea ai e pēhea rawa
ana te pai o tana neke whakamua i roto i ngā mahi. Inā aromatawaingia
ana tēnei mea te hangarau, me titiro ki tua atu i tēnā
wāhanga, i tēnā wāhanga o te aromatwai me titiro whānui
ki te hua o te katoa o ngā wāhanga. Ki te arotahitia ko tētahi
wahanga whaiti noa iho o te mahi, ki te whakamatauria rānei tētahi
mea i roto i tētahi horopaki tauhou, kāore e taea te whakatau
tika te pai o te mahi a te ākonga. Waihoki, ko ngā aromatawai
arotahinga kotahi e whai ana kia aromatawaingia ngā ākonga i
runga i tā rātou kaha eke ki ngā taumata he pērā
anō.
Arā tētahi pukapuka hei arahi i ngā mahi aromatawai, ko
te Assessment: Policy to Practice, (Te Tāhuhu o te Mātauranga,
1994).
Ko te ako, te whakaako, te aromatawai me te arotake i roto i te hangarau,
ka takea mai i ngā wheako me ngā mōhiotanga o ngā
kaiako i roto i ā rātou mahi, ā, me hangai ki te kaupapa
here me te kaupapa mahi a te kura e pā ana ki te aromatawai.
|
