|
He Whakamārama i te Whenu Tuatahi:
Hangarau ā-Iwi
Ko tētahi mea e noho tāhuhu mai ana ki ngā mahi hangarau,
ko te mārama ki te hononga i waenganui i te whakaharatau hangarau
me te hapori.
Inā rā, ko ngā whakanekeneke hangarau e takea mai ana
i te hapori.
Waihoki, ko ngā arā whakatutuki i ngā hiahia, ka ahu mai
i te āhua o ngā hononga puioio o te hapori, ngā rauemi
e wātea ana, ngā hiahia mātāmua o te hapori, ngā
tikanga ā-iwi, ngā whakapono me ngā uara e noho mai ana
ki ngā whiriwhiringa whakatau a te hapori.
Ko ngā whakatau e pā ana ki ngā whakahoutanga i te ao
hangarau, ka puta ake i te noho tōpū o ēnei āhuatanga
katoa.
E tika ana kia ata whakaarohia ngā āhuatanga o ngā tangata,
o te hapori, me te taiao i hua ake ai he whakanekeneke hou i te ao hangarau,
me te whakaaro ano ki ngā pānga o te hangarau ki waho atu o
te ao hangarau noa iho.
Me akiaki anō ngā ākonga kia whai whakaaro ki ngā
tauira o te hangarau o ngā rā o mua, o nāianei, me ētahi
tērā ka taea i ngā rā kei te tū mai, tae atu
ki ērā o iwi kē, o whenua kē.
|
