|
 |
|
|
Hangarau i roto i Te Marautanga o Aotearoa |
|
|
|
|
|
He Whakamārama i te Whenu Tuarua:
Mātauranga Hangarau
- I roto i ngā mahi whakaoti rapanga hangarau, me whakahiato, me
whakamahi anō hoki ngā ākonga i ngā mātauranga
mai i ētahi wāhi maha tonu.
- Ka āta tirotiro ngā ākonga i ngā take i whakamahia
ai ngā hangarau, ā, pēhea ai te whakamahi i aua hangarau.
Ka ahukahuka rātou ki ngā
mātāpono e noho tuapapa mai ana ki ngā whakanekeneke
o te ao hangarau, pēnei i te whakarerekētanga, te
whakahāngaitanga, te māmā o te āhua ki
te kiritaki, te noho haumaru i ngā wā ka he
tētahi āhuatanga, te tāwariwari o te āhua
inā whakamahia ana, te whaikiko, te hangai o tētahi
mea ki te mahi e tika ana kia mahia e ia, te whaihua, te auaha tōtika,
te taha rerehua me te arotautanga. Ka kite ngā ākonga
ko te maha tonu o ngā otinga hangarau e hua ake ana i ngā
whakarerekētanga i ētahi atu hangarau.
|
|
modification; adaptation
consumer; safety
flexibility; reliability;
appropriateness; optimisation |
- Ka tāutu, ka mārama anō hoki rātou ki ngā
wāhanga o ngā pūnaha hangarau, hei tauira, ki ngā
kōkuhunga, ngā hātepe, ngā hua ka puta, ngā
urupare, te raupapa, te tauhonohono, ā, me te mōhio anō
ki ngā āhuatanga e papa mai ana ki ēnei.
- Ka tūhura ngā ākonga i ngā āhuatanga mātāmua,
me ngā matapono aronga whānui, o ngā mahi a ētahi
ringa hangarau i roto i ētahi o ngā kaupeka o te ao hangarau.
- Ka whawha anō hoki ngā ākonga i ngā rautaki whakamōhio,
whakatairanga, tae atu ki te arotake i ngā whakaaro hangarau i
a rātou e whakapakari ana i tō rātou mārama ki ngā
āhuatanga hangarau.
- Ko te mōhio ki te whakatutuki i ngā mahi hangarau, koia
tērā ko te whakamahi i te mātauranga me ngā whakaaro
e whakatakotoria ai tētahi otinga hangarau.
- I a rātou e whakatakoto ana i ā rātou otinga, me whakahau
ngā ākonga kia whai whakaaro ki te whakamahi, ki te whakarerekē
i ngā hangarau o ēnei rā, me te hanga anō hoki i
ētahi hangarau hou.
|
|
input |
- Tērā pea ko te whakatinanatanga o tētahi otinga hangarau,
ko tētahi tauira taurahi, ko tētahi momo whakaari, whakatau
rānei, ko tētahi momo whakaaturanga rānei, ko tētahi
taonga waihanga rānei.
- Ko tēnei mea te taonga waihanga, tērā pea he taonga
tonu, he momo punaha rānei, he momo taiao ke rānei.
- Ka taea anō hoki te whakamahi tauira ariā, whakaahua rānei,
me te tāpiri mai anō i ngā kupu whakamārama e hangai
ana e whakaari ana i tētahi otinga hangarau.
- I a rātou e whiriwhiri ana i ngā otinga hangarau hei whakatutuki
i tētahi hiahia kua tautua, e tika ana kia whakahangaitia e ngā
ākonga ō rātou mātauranga me tō rātou
mārama ki ngā hangarau e whāia kētia ana, me āta
whakaaro ki ngā uara, ngā hiahia mātāmua, me ngā
āhuatanga tērā ka pā mai ki te hapori i tā
rātou i whiriwhiri ai.
|
|
role-play |
|
