| Te Reo o te Ao Hangarau
Ko te reo te pūtake mō te mahi hangarau.
Ko te reo Māori te poutawhā i whakairia ai ngā taonga
tuku iho, me ngā āhuatanga e pā ana ki ngā tikanga
o mua rā anō, o te ao kōhatu. I tukuna iho ki tēnā
whakatipuranga ki tēnā whakatipuranga, tae noa mai ki tēnei
wā.
Nō reira, mā te reo e kawe ngā kaupapa hangarau, māna
te reo ake o te hangarau e kawe.
Anei e whai ake nei ētahi āhuatanga hei whakaaro ake.
- Ka tahi he reo motuhake ake tō te hangarau me tō ngā
tohunga hangarau.
- Ka rua: kia totika tonu te whakamahi i ngā kupu hangarau.
- Ka toru: ka piki ake ngā pūkenga reo Māori o te ākonga
i roto i ngā mahi hangarau.
Ko tētahi o ngā pāinga o te mātauranga hangarau,
ka taea te whakamahi ngā kupu ake a tēnā iwi, a tēnā
iwi. Hei tauira, tērā pea he kupu tonu a ngā iwi noho ki
tātahi mō te mahi ika, ko tā te marautanga hangarau, he
whai kia mau tonu ēnei kupu. Ka mutu, ka pai tonu pea mehemea ka
whakamahia ēnei kupu e ngā iwi kāore i a rātou aua
momo kupu. Waihoki, he kupu anō kei ngā iwi noho ki te tuawhenua
mō ā rātou hangarau i ngā rā o mua, pēnei
i te mahi kai i te ngahere, ā, ka taea e te katoa te whakamahi ko
ērā i ngā wāhi e hangai ana.
Otirā, he wā anō kāore e taea te aha, atu i te tiki
atu i te kupu 'hou', i te mea kāore i ō tātou tīpuna
ētahi o ngā hanga o tēnei ao hou e noho nei tātou,
pēnei i te rorohiko, i te taha rerehua, i te kōwaehanga,
i te aha noa iho, i te aha noa iho.
|
aesthetics; modularisation |
