Te Hangarau
Tenā ko te toa mahi kai e kore e paheke.
|
| He mahi auaha, he mahi whai patanga te hangarau,
ā, e tūmanakohia ana te whakatutuki ake i ngā hiahia me ngā
huarahi wātea mā te whakahiato i ngā hua, i ngā
pūnaha me ngā taiao hangarau. E whakatōpuhia ana te
mōhiotanga, ngā pūkenga me ngā rawa e taea ai te hīraurau
hopanga. E puta ake ana ngā ngohe hangarau i roto me te kaha
whai wāhi atu ano o ngā pāpori me ōna horopaki katoa.
|
creative; purposeful
needs and opportunities; technological systems and environments; problem solving; technological practice |
| Kei te ao whānui ngā mahi hangarau, ā, he mahi tēnei
nō nehe rā anō. Nō mua mai rā anō i hurihia
ai e te tangata tēnei mea te rawa kia rite ki ōna hiahia.
Kei roto tātou i te ao hangarau. E whaipānga ana te whakamahi
hangarau ki tō tātou taiao, tō tātou pae oranga,
me te kounga o tō tātou ora.
|
standard of living; quality |
| He mea waihanga ngā hangarau o ēnei rā mai
i ngā parapara, i ngā tautikanga, i ngā tirohanga
me ngā mōhiotanga o te tangata o mua noa atu, me tō rātou
kaha ki te whai ki te whakapiki ake i te ora, ki te hiraurau hopanga me
te whakatutuki i ō rātou hiahia me ō rātou wawata. |
ingenuity |
| E whakamahia ana e te ao hangarau ngā mōhiotanga
i whakahiatohia i roto i te maha atu o ngā pekanga mātauranga,
ā, ko tā ēnei mōhiotanga, he whakaemi mai i ngā
wairua auaha hangarau me ngā huatau. |
technological innovations and ideas |
| E whiwhi ana ngā tāngata o Aotearoa i ngā
mahi a te ringa hangarau me ngā mahi a te mātanga hangarau
i roto i ngā marau maha pēnei i ngā ahumahi nei; te ao o
te rererangi, te hoahoa rō whare, te kai, te tiaki i te taiao,
te pūkaha, te kākahu, te hangarau koiora me te hoahoa tāone.
|
technician
technologist
aviation; interior design; conservation engineering; biotechnology; town planning |
| Nā te whakaurunga atu o te hangarau hei tino wahanga ako i
roto i te anga marautanga o Aotearoa, ka wātea mai he huarahi tōiritanga
mā ngā ākonga katoa ki te whakahiato me te whakawhānui
ake i ō rātou huatau, me te hōpara haere i ngā huarahi
e kitea ai he rongoā mō ngā hopanga whai take tonu. Ka nui
ngā wero me ngā hua o te hangarau, ā, e wātea ana hoki
ki te katoa. |
essential learning area |
